خاتو ئیكرامە غالیب بەرپرسی نوسینگەی سەرقەڵای رێکخراوی راگەیاندن وروناكبیری ژنان بۆ رێوان  وتی"كۆڕەكە تایبەت بوبەكاریگەریەكانی خراپ بەکارھێنانی ئامێرەكانی تەكنەلۆجیاو تۆڕە کۆمەڵایەتیەکان و کاردانەوە خراپەكانی لەسەر خێزان كۆڕەكە لە لایەن  خاتو جینان مەحمود پاریزەی ریكخراوەكەمان پێشكەشكرا".

 

سەبارەت بەهەڵبژاردنی ئەو بابەتە خاتو ئیكرامە وتی "خاتو جینان مەحمود  خۆی پارێزەرەو رۆژانە لەدادگا گوێبیستی کێشە کۆمەڵایەتیەکان و بەتایبەت کێشەكانی جیابونەوە ودەرهاویشتەكانی دەبێت بەتایبەت لەئێستادا ئەوکێشەیە لەھەڵکشاندایە بۆیە پێی باش بوو ئەوبابەتە لەم كۆڕەدا باس بكات بۆھۆشیارکردنەوەی خێزان و کچان تا ئاگاداری خۆیان و خێزانەکانیان بن، جگە لەلایەنە باشەکەی تەکنەلۆجیا خراپ بەکارھێنانی دەبێتە ھۆکاری تێکدانی خێزان"،  وتیشی"کۆڕەکە بەھەردوو زمانی کوردی و عەرەبی پێشکەش بەئامادەبوان کرا ونزیکەی دە کچ و ژن  بەتەمەنی جیاواز بەشدار بوون، بڕیاریشە لە یادی ھەشتی مارسدا لەکفرییش لە كۆلێجی كشتوكاڵ  درێژەی پێبدەین".