لەسەرقەڵای گەرمیان بەهەماهەنگی رێکخراوی ڕاگەیاندن و روناکبیری ژنان پەیمانگای هونەرە جوانەکانی کفری  بەسپۆنسەری کۆمپانیای( گاز پرۆمی رووسی) پێشانگایەکی تایبەت بە دوو هەفتەی روو بەڕوو بونەوەی توندوتیژی دژی ژنان کردەوە.

ئەمڕۆ ٢٥/١١/٢٠٢٠ لە دەروازەی پارکی گەورەی سەر قەڵای گەرمیان ،خوێند کارانی پەیمانگای هونەرە جوانەکانی کفری بەدروشمی (لە ٢٥ی نۆڤەمبەردا ڕەنگەکان جیاواترن) كۆمەڵی تابلۆی هونەرییان  نمایش کرد.

پێشانگاكە وەك تابلۆیەك شێوەكاری، كورتكراوەی پرس و كۆژانەكانی ژنانی  بەرجەستەكردوە  كە بەچەندین فۆرمی هونەری جیاواز كاری لەسەركراوە .

هونەرمەندی شێوەكار بێریڤان یەکێک بوو لەوخوێندکارانەی بە تابلۆیەک بەشداربوو لەبارەی تابلۆكەی بۆ ڕێوان وتی "تابلۆکەم  باس لە تێکشکانی ژن دەکات ولەچاوەکانیەوە دیارە دەیەوێت هەستێتەوە ئەوەش ئاماژەیە بۆ ئەوەی ژن چەند تێکبشکێت هێزی هەستانەوەی هەیە".

  چیا هەمزە   بەشداربویەكەی  پێشانگاکە  سەبارەت بە رۆژی بەرەنگاربونەوەی توندوتیژی دژ بە ژنان وتی "ئەمرۆ کەتایبەتە بەژنان ‌‌حەزم کرد بە دو تابلۆ بەشداری بکەم یەکێکیان ئاماژە بەوەدەدات کە ژن لەهەر شوێنێک بێت ژیان لەوێ بونی هەیە و شوێنەکە جوانتر دەکات ئەوەی  دیکەش گوزارشتە لەوەی ژن وەک گوڵ وایە ئەگەر بریندار بکرێت وەک شکانەوەی گوڵ چۆن جوانیەکەی لەناو دەچێت ژنیش بە قسەیاخود ئاماژەبێت بەهەمان شێوە بریندار دەبێت".

دواتر خەڵاتی ڕێزلێنان بەخشرایە هونەرمەندانی بەشداربوو.