سەرۆكی تونس قەیس سەعید،هیوای ئەو ژنانەی كەچاوەڕوانی پاڵنەرێك بوون بۆ پرۆژە یاسای یەكسانی لەمیرات و دووبارە جوڵاندنی بەرەو متمانەپێدانی لەپەرلەمان لەباربرد بەمەش دۆسێكەی بۆخاڵی سفر گەڕاندەوە، ئەو هەوڵ و خەباتانەی ژنان كردوویانە لەپێناو بەرز ڕاگرتنی ماف و پاڵپشتی كردن لەدەستكەوتەكانیانی لەناوبرد، ئەمەش لەمیانەی ئەو ووتەیەی سەرۆك كۆمار كە لەڕۆژی 13ی ئاب/ 2020 بەبۆنەی ڕۆژی نیشتیمانی  ژنانی تونس دەركەوت و بەتەواوی پرەنسیپی یەكسانی لەمیراتدا رەتددەكاتەوە ووتی "دەقی قورئان روون و ڕاشكاوانەیە لەبابەتی دیاریكردنی پێگەكانی میرات لەنێوان ژن وپیاو دا".

لەهەمان رەوتدا ئاماژەی بەوەكرد"سەرەتا پێویستە یەكسانی لەنێوان ژن وپیاودا لەمافە كۆمەڵایەتی وئابورییەكاندا  بێتەدی پێش ئەوەی باس لە بابەتی یەكسانی لەمیرات دا بكرێت"، قەیس وتیشی"گفتوگۆكردن لەبارەی میراتگەری و میرات هەڵەیەو بێ گوناح نییە". لێدوانەكانی قەیس كاردانەوەی جیاوازی لێكەوتەوە بەرجەستەترینیان لەلایەنی (كۆمەڵەی ژنانی دیموكراسی) بوو كە لەبەیاننامەكەیدا ناوەڕۆكی وتارەكەی سەرۆك كۆماری بە "پاشكەوتوخواز وگوزارشتە لەڕەت كردنەوەی پێویستیەكانی دەستور "وەسفكرد.