Rewan::رێوان

کچە خوێندکار لەنجە ھیدایەت "کۆرۆناش رێگر نەبوو لەیەکەم بوونم"

2020-08-13

نەشمیل یاسین

(265) جار بینراوە

پاش ئەوەی ١٢\٨\٢٠٢٠ ئەنجامی کۆتای تاقیکردنەوەکانی قۆناغی دوانزەی ئامادەی راگەیەندراو لەکۆی یانزە خوێندکار کەپلەی یەکەمیان بەدەستھێنا ھەشت لەو خوێندکارانە کچان بوون لەنجە ھیدایەت عەبدولرەحمان لەدایک بووی ساڵی ٢٠٠١ یەکێک بوو لەو کچە خوێندکارانە کە توانی لەدوا قۆناغی ئامادەیی بازرگانی پلەی یەکەم بەدەست بھێنێت و لە لێدوانێکیدا بۆ رێوان لەنجە وتی "لەماوەی ھەوڵدانەکانمدا توشی ڤایرۆسی کۆرۆنا بووم، لەبەر زۆری نەخۆش لە نەخۆشخانەکان بەناچاری لەماڵەوە خۆم کەرەنتینە کردوو چارەسەریەکانم وەردەگرت ئەوەش بووە ھۆکار کە لەکۆششی رۆژانە داببڕێم بۆماوەی دەرۆژ، بەڵام ھەمیشە ورەم بەخۆم دەداو دەمگوت باش دەبم و دوبارە دەست بەکۆششەکان دەکەمەوەو نمرەی بەرز بەدەست دەھێنم دواجار باش بووم و توانیم پلەی یەکەم بەدەست بھێنم ئەوەش بەھاوکاری و ھەوڵەکانی دایکم و باوکم بوو"، وتیشی . "رۆژانە بۆماوەی شەش بۆ ھەشت کاتژمێر کۆششم دەکردو وانەکانم دەخوێند تا بتوانم نمرەی بەرز بەدەست بھێنم".

لەنجە لەکۆتایی قسەکانیدا وتی "ھیچ مامۆستایەکی تایبەتم نەبووە نەچومەتە ھیچ دەورەیەک و کەسیش بەتایبەت وانەی پێ نەوتووم ھەمووی بەھەوڵ و ماندو بونی خۆم بووە کاتێکیش بەرێوبەرەکەم ھەواڵی یەکەم بونمی پێدام ھەستێکی زۆر خۆشم ھەبوو کەتوانیم لەکۆی حەوت وانە شەش سەد و بیست و نۆ نمرە بەدەست بھێنم."